Novel Anokha Rishta ناول انوکھا رشتہ

 By: Prof. Sardar Ali Nawaz Anwar

 صفحہ نمبر۔۱۳

Novel

انوکھا رشتہ

میڈیم نے جواب دیا:

" انشااللہ ! اللہ آپ کے ساتھ ہے ۔ اور میں آپ کو ایک بات بتا دیتی ہوں ، ہمارے پرنسپل کے سامنے کوئی بھی بلند آواز میں بات کرے ، اُن کو اچھا نہیں لگتا ، باقی وہ دل کے بہت اچھے ہیں ۔ وہ جس طرح سے بھی بات کریں ، آپ کا بس ہاں میں ہاں ملانا ہے۔ اور بلند آواز میں آپ نے بات نہیں کرنی ۔"

میں نے کہا:

" جی ٹھیک ہو گیا ، انشا اللہ ! میں اپنی طرف سے اچھا کروں گی ،باقی جو اللہ کو منظور ہوا ، ہو جائے گا۔"

میڈیم نے  ہنس کر کہا:

" جائیں پلیز، بیسٹ آف لک۔"

میں نے جواب میں کہا:

" شکریہ میڈیم جی! "

اب میں نروس محسوس کر رہی تھی ، ایسا لگ رہا تھا کہ میں ابھی  گرنے  ہی والی ہوں۔   پر میں  نے خود کو کندے پر ہاتھ مارا  اور کہا:

" عانشہ کفیل ہمت کر اور آگے بڑھ ۔"

خود کو حوصلہ دینے میں بھی  اپنا ہی مزہ  ہے ۔ میں نے دفتر کے دروازے کو  نوک کیا ، دروازہ کھولا ، اجازت لی ، اندر چلی گئی۔  سب سے پہلے میں نے سلام بلایا۔ پرنسپل سر کا  چہرا دوسری طرف تھا ، تو انہوں نے میرے سلام کا جواب دینے کے لیے کرسی کا رُخ بدل کر جواب کچھ یُوں دیا۔

" وا سلام ! آپ اتنی  لیٹ کیسے،،،،،، "

کیسے کے الفاظ اُن کے منہ میں اٹک کر رہ گئے ہوں ، اور ایک دم سے بولے :

"  تم! "

میں نے جب اُن کا چہرا دیکھا تو ،میں نے بھی حیران ہو کر  کہا:

" آپ ! "

میں یہ دیکھ کر حیران ہو گئی ، یہ وہی لڑکا تھا جو کچھ دیر پہلے  گاڑی میں سے اُترا تھا ۔ میں اُسے پرنسپل کی سیٹ پر دیکھ کر حیران رہ گئی ، اب مجھے غصہ  سا آنے لگا ، پر میں نے خود کو بہت مشکل سے روکا ۔  میں نے کہا:

" مجھے آپ کے پاس جاب نہیں کرنی ، آپ کو تو پتا نہیں ہے کہ کس طرح بات کرتے ہیں کسی سے۔"

اُس سے کہا:

" جاؤ ،جاؤ ، تم جیسی لڑکی کو میں جاب پر رکھنا بھی نہیں چاہتا، پتا نہیں تم خود کو سمجھتی کیا ہو ، تم نے اتنی باتیں مجھے پہلے سنا دی ہیں ، اب میں تمھاری ایک بھی بات نہیں سنوں گا۔"

میں نے  زور سے دروازہ بند کیا اور  باہر نکل آئی ، باہر آتے ہی میں اُسی ٹیچر سے ٹکرا گئی جو مجھے پہلے ملی تھی۔ میں نے اُن سے کہا:

" ایسا ہے آپ لوگوں کا پرنسپل ، جس کو بات کرنے کی تمیز ہی نہیں ہے۔ " 

صفحہ نمبر۔۱۴

By: Prof. Sardar Ali Nawaz Anwar